په غزني ولايت کې د يو ښوونځي نوې ودانۍ پرانیستل شوه
د غزني ولایت اړوند فیض محمد کاتب سیمه کې د یو خیریه بنسټ په ملاتړ د ۳،۶ مېلیونه افغانیو په ارزښت د امام هادي ښوونځي ودانۍ جوړه او په رسمي ډول ګټې اخیستنې ته وسپارل شوه.
د پوهنې مسئولينو په وینا: دغه ښوونځى له ټولو اړینو ملحقاتو سره ۱۲ درسي ټولګي، يوه اداري خونه لري او په يو پوړ کې جوړ شوی دی.
د چارواکو په خبره، په پام کې ده چې په راتلونکي کې د يادې ودانۍ دويم او درېيم پوړونه هم ورغول شي.
د سیمې اوسېدونکو د ښوونځي له جوړېدو خوښي څرګنده کړه او په دې برخه کې یې د پوهنې وزارت د رهبرۍ له پاملرنې مننه وکړه.
