په فراه ولایت کې د خلکو په مرسته د یو باب مدرسې ودانۍ پرانیستل شوه
د فراه ولایت د یو تن جید دیني عالم په مرسته، د دوه میلیونه افغانیو په لګښت په یاد ولایت کې د عبدالله بن مبارک( رضی الله عنه) دیني مدرسه جوړه او د پوهنې رئیس الحاج مولوي اختر محمد زعیم له لوري په داسې حال کې، چې یو شمېر علماوو، قومي مخورو او د مدارسو مسئولینو ګډون درلود، پرانیستل شوه.
ويناوالو هر يو له مدارسو او ښوونځيو سره مرسته يو له صدقه جاریه اعمالو څخه وګڼله او له نورو شتمنو خلکو يې هم وغوښتل، چې په دغه ولايت کې د پوهنې وزارت له پلانونو او پروګرامونو ملاتړ وکړي.
د پوهنې وزارت مشرتابه له پوهنیز نظام سره د افغانستان د خلکو په ځانګړې توګه د فراه ولایت د دغه دیني عالم له ملاتړ او مرستو مننه کوي.
