په ننګرهار ولایت کې د پوهنې د ځینو همکارو بنسټونو او خلکو مرستې دوام لري
* د ننګرهار ولایت د پوهنې ریاست سره په همغږۍ د پوهنې په برخه کې يو مرسته کوونکې بنسټ، د ياد ولایت په پنځو ولسوالیو کې د لویانو لپاره د سواد زده کړې ۶۶ درسي ټولګي فعاله کړي او ټاکل شوې ده، چې د ۹ میاشتو په اوږدو کې د دغې ولسوالۍ اوسېدونکو ته د لوستلو، لیکلو او حساب برخو زده کړې ورکړي.
* د ننګرهار ولایت بټي کوټ ولسوالۍ اړوند د پوهنې دوستو وګړو د کپتان بابا منځني ښوونځي لپاره د ۳۶۰۰ افغانیو په ارزښت ۵ تختې فرشونه وپېرل.
* د ننګرهار ولایت د کامې ولسوالۍ یو شمېر اوسېدونکو د بایزید خېلو لېسې ته د ۲۶۰۰ افغانیو په ارزښت د اوبو ۲۰۰ متره پایپونه وپېرل او د يادې لېسې ادارې ته یې وسپارل.
* د ننګرهار ولایت په سور خرود ولسوالۍ کې د پوهنې یو شمېر ملاتړو د شهید آدم خان لېسې لپاره د خښتو او ودانیزو توکو مرسته وکړه.
