په ننګرهار کې د ښځو نړیوالې ورځې نمانځنې په موخه د نجونو زده کوونکو تر منځ د رسامۍ سیالي تر سره شوه

د پوهنې وزارت_ننګرهار: د ښځو نړیوالې ورځې نمانځنې په موخه د ښځو د حقونو او پیاوړتیا مرستندویه ادارې (مشارکت) په مرسته د جلال اباد ښار د نجونو زده‌کوونکو تر منځ د رسامۍ سیالي تر سره شوه.
په دې سیالې کې د جلال اباد ښار اړوند د نجونو لسو لېسو بي بي حوا، بي بي زینب، الایي، نازوانا، بي بي عایشې، نصرت، عبدالرحیم نیازي، ملکه حمیرا، تجروبوي او انګیزی شینوارې پنځوس تنو زده کوونکو برخه اخیستې وه.
د سیالۍ په پېل کې د پوهنې ریاست مالي او اداري مرستیال سید عیسی سادات په خپلو خبرو کې د مرسته کوونکې ادارې نه مننه وکړه چې د نجونو د پوهې کچې د لوړولو په موخه یې خورا ارزښتمن پروګرام چمتو کړی و. هغه وویل په سیالۍ کې برخه اخیستوونکو زده کوونکو په خپلو رسامیو سره وښودله چې دوی د ښځو پر وړاندي تاوتریخوالي ته نه ویلې او میرمنو ته د هغوی د حقونو د ورکړې غوښتونکو دي.
د ښځو د حقونو او پیاوړتیا ادارې (مشارکت) مشرې میرمن مریم ذاهد په خپلو خبرو کې د پوهنې ریاست له مشرتابه نه مننه وکړه چې تل یې د ښځو د حقونو او د هغوی د پیاوړتیا او عامه پوهاوي لپاره زیار ګاللی دی. اغلې ذاهد وویل هغه انځورونه چې په دې سیالی کې یې بریالي ګڼل شوي دخلکو د پوهاوي لپاره د ښار په واټونو او له ګڼې ګوڼې په ډکو سیموکې پر دیوالونو رسامي کړي. دمراسمو په پاې کې دالایي، بي بي حوا او نصرت د نجونو لېسو چې په دې سیالۍ کې بریالۍ شوې وې ډالې وویشل شوې.