په کاپیسا ولایت کې د یو باب ښوونځي احاطوي دېوال ورغول شو
د معیاري ښوونیز چاپېریال رامنځته کولو او د زدهکوونکو امنیت ډاډمن کولو په موخه، د کاپیسا ولایت مرکز اړوند ریګروان منځني ښوونځي احاطويدېوال د ۵۰۸ متره په اوږدوالي د یوې همکارې ادارې په مالي ملاتړ سره بشپړ او په رسمي ډول د پوهنې چارواکو په حضور کې ګټې اخیستنې ته وسپارل شو.
د یاد ولایت پوهنې ریاست مسئولینو له همکارې ادارې څخه د مننې په څرګندولو سره دغه اقدام د تعلیمي زیربناوو د پیاوړتیا په لور یو اغېزمن ګام وباله او له مرستندویه بنسټونو څخه یې د تعلیمي ادارو د ودې لپاره د دوامداره همکارۍ غوښتنه وکړه.
