په کونړ کې د سړو سیمو د ښوونځیو کلنۍ آزموینې پیل شوې
د پوهنې وزارت، کونړ: د کونړ ولایت د سړو سیمو د ۱۳۹۹ تعلیمي کال د زده کوونکو کلنۍ آرموینې پیل شوې.
د کونړ ولایت د پوهنې رییس مجیب الرحمن همدرد او د یاد ریاست د نظارت غړو، د عمرا خان لېسې د زده کوونکو د آزموینې له بهیر نه لیدنه وکړه .
د پوهنې رییس مجیب الرحمن همدرد د آزموینې د پیل نه خوښي څرګنده کړه او د ښوونځیو ښوونکو ته يې سپارښتنه وکړه چې د هر مضمون نمرې باید له (۱۰۰) نه محاسبه شي .
همدارنګه د پوهنې رییس، زده کوونکو ته وویل: چې په خپلو درسونو کې کوښښ وکړي، تر څو په آزموینې کې ښيې نمرې تر لاسه او خپل د خوښې پوهنځي ته بریالي شي.
په پای کې د ښوونځي مدیر، ښوونېزې څارنې آمر او ښوونکو په خپل وار سره خبرې وکړې او ټولو زده کوونکو ته یې د بریالیتوب دعاوې وکړې.
