په ۶ ولایتونو کې له ۱۰۰۰ تنو څخه د زیاتو ښوونکو لپاره د وړتیا لوړونې پروګرامونه جوړ شول
د پوهنې وزارت له لوري، د کابل ښار او ولایت په ګډون، په ارزګان، زابل، سرپل، کندهار او لغمان ولایتونو کې د درې، څلور او شپږ ورځنیو ښوونیزو سیمینارونو او ورکشاپونو لړۍ، د ښوونکو او د ښوونکو د روزنې او مسلکي پراختیا علمي غړو لپاره ترسره شوې، چې له ۱۰۰۰ تنو څخه زیاتو ښوونکو ترې ګټه اخیستې ده.
د مسئولینو په وینا، د دغو پروګرامونو موخه د ښوونکو او د ښوونکو مسلکي پراختیا غړو د مسلکي ظرفیتونو لوړول، د تدریسي مهارتونو معیاري کول او د ښوونیز او روزنیز بهیر د اغېزمنتیا زیاتول دي.
