پوهنې وزارت د سوداګرو او ملي پانګوالو د همکارۍ هرکلی کوي
پوهنې وزارت_کابل: د پوهنې وزارت سرپرستې وزيرې آغلې رنګينې حميدي د افغان جرمن د سوداګريز اتاق مسوول او د اقتصادي شورا غړي ښاغلي جلال الدين سعيد سره ولیدل.
ښاغلي سعيد د پوهنې وزارت سره د ملي پانګوالو د همکارۍ په برخه کې خبرې وکړې او ویي ويل دوی تيار دي چې د پوهنې وزارت سره هراړخيزه همکاري ولري.
د پوهنې وزارت سرپرستې وزيرې آغلې رنګينه حميدي د مننې ترڅنګ د زده کړې په برخه کې د ملي سوداګرو اوسرمايه ګذارانو په هکله وويل چې د پوهنې وزارت په بيلا بيلو برخو کې ستاسو همکارۍ ته اړ دي او د نوموړي وزارت رهبري د ملي سوداګرو اوسرمايه ګذارانو د هڅو ملاتړ کوي او هرکلی ورته وايي.
