پکتیا پوهنې ریاست ته (۲۵۲۳۲) ټوکه تدریسي کتابونه و رسېدل
د پوهنې وزارت، پکتیا: د زده کونکو لپاره د نورو تدریسي اسانتیاو د برابرولو ترڅنګ د درسي کتابونو چمتو کول، د پوهنې وزارت له لومړیتوبونو څخه دي.
دې موخې ته د ۱۴۰۰ نوی تعلیمي کال په درشل کې ، زده کونکو ته د کتابونو لاسرسي په موخه ۲۵۲۳۲ ټوکه درسي کتابونه پکتیا ولایت ته واستول شول او د ویشلو لړۍ یې پیل شوه.
د پکتیا ولایت د پوهنې رییس استاذ کوچي ځاځي د کتابونو د وېش په غونډه کې وویل: د یادو کتابونو له جملې څخه ( ۱۱۳۶۲) جلده د عمومي تعلیماتو او (۱۱۳۶۲) جلده یې د اسلامي زده کړو د برنامي لپاره دي.
نوموړي زیاته کړه: مونږ تل هڅه کوو، چې د تدریس په مقابل کې پراته خنډونه له منځه یوسو او له هرې ممکنې لارې په استفادې د خپلو کار کوونکو او خاصتاً د زده کوونکو مشکلات او ستونزې را کمې کړو.
پوهنې رییس وویل: هڅه مو دا ده، چې هر څومره زر کیږي، خپل پاتې کمبود کتابونه هم پوره او د خپلو ګلالیو زده کوونکو په واک کې یې ور کړو.
