پکتیکا ولایت کې د پوهنې لپاره ۲ جرېبه ځمکه وقف شوه
د پکتيکا ولايت ګومل ولسوالۍ علم پروره اوسېدونکو، په ياده ولسوالۍ کې ۲ جرېبه ځمکه د (ضياء المدراس دیني مدرسې) لپاره ځانګړې کړه.
د يادونې وړ ده، چې اوسمهال په دغه مدرسه کې ۱۰۰ تنه ط.الب العلمان په زده کړو بوخت دي.
د پکتيکا پوهنې رئيس مولوي عبدالوکيل خالد د يادې ځمکې د اسنادو سپارلو پر مهال، د پوهنې په برخه کې شوې مرستې له صدقه جاریه نېکو کارونو څخه وبللې.
د پوهنې وزارت رهبري د پکتیکا ولایت د ګومل ولسوالۍ د خلکو له مرستو مننه او قدرداني کوي.
