پکتیکا کې د یوې دیني مدرسې د نوې ودانۍ او یو محراب جومات جوړولو چارې پیل شوې
د پکتیکا ولایت د مټاخان ولسوالۍ معراجالعلوم دیني مدرسې لپاره د ۶۵۰ زره افغانیو په لګښت د څلورو درسي ټولګیو د یوې خامې ودانۍ او د یو محراب جومات جوړولو چارې د سیمې د خلکو له لوري پیل شوې.
د پکتیکا پوهنې رئیس مولوي عبدالوکیل خالد وايي، چې د معراجالعلوم دیني مدرسې د ودانۍ جوړول به نه یوازې زدهکوونکو ته د مناسب ښوونیز چاپېریال زمینه برابره کړي، بلکې په سیمه کې د علمي پرمختګ او د دیني زدهکړو پراختیا په برخه کې به هم مهم ګام وي.
