کندهارکې د ښوونکو نړيواله ورځ ولمانځل شول

media-moe
پنجشنبه ۱۳۹۸/۷/۱۸ - ۱۰:۶
کندهارکې د ښوونکو نړيواله ورځ ولمانځل شول

د پوهنې وزارت_کندهار: د ښوونکو نړیواله ورځ د کندهار ولایت مقام او د پوهني ریاست له لوري په شاندارو مراسمو سره د ولایت د مقام د غازی امان الله خان په تالار کې ولمانځل شول.
په یاده لمانځغونده کې د کندهار د والي حیات الله حیات ترڅنګ مرستیال والي عبدالحنان منیب، د ولایتي شورا رئیس حاجي سیدجان خاکریزوال، د پوهني رئیس استاد محب احمد روښان، د کندهار پوهنتون استادانو، قومي مشرانو، مدني فعالانو په سلګونو نارینه او ښځینه ښوونکو او زده کوونکو ګډون کړی و.
په پیل کې د پوهني ریاست د نشراتو د مدیر نظرمحمد صمیمي لخوا د پوهني د وزیر دکتر محمد میرویس بلخي هغه پیغام چي د یادی ورځي په مناسبت یې رالیږلی و ولوستل شو .
ورپسې د پوهني رئیس استاد محب احمد روښان د خپلي وينا په ترڅ کي ګرانو ښوونکو ته د خپلي ورځي د مبارکي ترڅنګ وويل چې ښوونه او روزنه د ټولنې د اصلاح اصل دي ده زياته کړه، چي د معلم نړيواله ورځ په حقيقت کې د معلم و مقام ته درناوی دی، نوموړي وويل معلم زموږ په ژوند کې يو با ارزښته شخصيت دی، چې تل کوشش کوي خپله باارزښته دنده په ښه شان سرته ورسوي.
همدارنګه د کندهار والي حیات الله حیات ټولو ګډونوالو او د ښوونځيو ښوونکو ته د ښوونکي د نړيوالي ورځي مبارکي وويل او د ښوونکي دنده يې يوه مقدسه او پاکه دنده وبلل.ښاغلي حیات وويل د ښوونکي لارښووني نه يوازي تر ښوونځی پوري محدودي دي بلکي په هره برخه کي زده کوونکي د ښوونکي لارښوونو ته اړتيا لري او په وينا یې ، همدا ښوونکي دي ، چي په هر کونج و کنار کي انسانان له بديو څخه راګرځوي او د ښېګڼو نصيحت ورته کوي د ښاغلي حیات په وينا د ښوونکي نړيواله ورځ په داسي حال کي لمانځل کيږي چي لا هم په دغه ولايت کي د دوى پر وړاندي ستونزي موجودي دي.
ورپسې د ولايتي شورا رئیس حاجي سیدجان خاکریزوال خبري وکړې نوموړي هم په وار سره ښوونکو ته د دوی د ورځي مبارکي وويل او د ښوونکو د هغه ستونزو د حل غوښته یې وکړل کوم چي په اوس وخت کي ښوونکي ورسره لاس او ګریوان دي.
د ښوونکو په استازیتوب د مشرقي لېسې ښوونکي محمد ظاهر خبري وکړې نوموړي لومړی و ټولو ښوونکو ته د ښوونکي د ورځي مبارکي وويل وروسته يې ټولي هغه ستونزي چي فعلآ ښوونکي ورسره لاس او ګريوان دي بيان کړې او په اړوند برخه کي یې د حل غوښتنه وکړل دغه راز یې له ښوونکو څخه وغوښتل ، چي پخپله پاکه دنده کي صادق او رښتني اووسي . په غونډه کي د تنکيو ماشومانو لخوا هم د ښوونکي په وياړ ترتيب سوي ترانې او مقالې وويل شوې .
دمراسموپه پای کې د کندهار والي او پوهنې ریس له لورې پر وړښوونکو د ولسمشرې ماڼې او پوهنې وزارت له لورې دښوونکې دنړیوالې ورځې په ویاړ رااستول شوې تقدیر نامې وویشل شوې.

تازه خبرونه

چهارشنبه ۱۳۹۸/۱۱/۳۰ - ۱۲:۵۳
Background image

لوګر کې خلکو د نجونو یوه ښوونځي ته دوه درسي ټولګي جوړ کړي

د پوهنې وزارت_لوګر: د لوګر په مرکز پل علم پورې اړوند د شهیدې سعدې د نجونو لېسې ته د زده کوونکو د کورنیو غړو دوه درسي ټولګي جوړ کړي.
د یادو درسي ټولګیو پر جوړولو شاوخوا ۱۰۰ زره افغانۍ. . .

چهارشنبه ۱۳۹۸/۱۱/۳۰ - ۱۲:۵۱
Background image

د ننګرهار ولایت د سړوسیمو ښوونځیو کې به (افغان ماشومان یې لولي) نصاب تطبیق شي

د پوهنې وزارت_ننګرهار: د ننګرهار ولایت د پوهنې ریاست اړوند د سړو سیمو د ښوونځيو دڅارنې امرینو او دارالمعلمین استادانو ته د کریټیف موسسې له خوا شپږ ورځنی روزنیز ورکشاپ د جلال اباد په ښار. . .

سه‌شنبه ۱۳۹۸/۱۱/۲۹ - ۱۲:۲۳
Background image

د ښځو او ماشومانو د حقونو څیړنیز بنسټ د پوهنې وزیر سره په لیدنه کې د جندر ملي کمیټې د ترسره کیدو څخه خبر ورکړ

پوهنې وزارت- کابل: د ښځو او ماشومانو حقونو څيړنیز بنسټ د پوهنې وزیر سره په یوه لیدنه کې، په یاد بنسټ کې د جندر ملي کاري کمیټې د ترسره کیدو څخه خبر ورکړ.

دا لیدنه چې د پوهنې وزارت په. . .

BACK TO NEWS