د خلکو او کتاب لویه جشنواره په هرات ولایت کې تر سره کیږي
پوهنې وزارت- کابل: د پوهنې وزارت او احمد شاه فقیري ټولنیز بنسټ په مرسته د کتاب او خلکو لویه جشنواره به ډیرژر په هرات ولایت کې تر سره شي.
دا موضوع پوهنې وزارت سره د احمدشاه فقیري ټولنیز بنسټ استازي په لیدنه کې پورته شوه.
پوهنې وزیر د کتاب لوستلو کلتور پیاوړي کولو ملي حرکت له ملاتړ کونکو څخه د هر کلي تر څنګ، په ټولنه کې د کتاب لوستلو او مطالعې کلتور وده ورکولو په موخه د ټولو خلکو او ټولنیزو بنسټونو ونډه یوه اړتیا یاده کړه.
د یادونې وړ ده چې د احمدشاه فقیري بنسټ د پوهنې یوه همکار په توګه، د هرات زده کوونکو لپاره د یوه معیاري ښوونځي د طرح جوړولو، د معیاري کتابتون جوړولو، د کتابونو چاپ او معیاري خپرونو لپاره د مطبعې تاسیس کولو او د ښوونیزو کورسونو جوړلو په برخو کې فعالیت لري.
