د کور څخه تر ښوونځۍ د کتاب کاروان
دهلمند ولایت دشهید انور خان لیسي له لوري ۳۴۸۱ جلده درسی کتابونه راټول شوي
د پوهنې وزارت_هلمند: د هلمند ولایت دپوهنې ریاست اړوند د شهید محمد انور خان لیسې له لوري د کور څخه تر ښوونځۍ پوري د کتاب کاروان تر نامه لاندي ۳۴۸۱ د لومړي څخه تر دولسم ټولګي پوري کتابونه راټول کړی دي.
د شهید محمد انور خان لیسې مدیر ښادي خان الهام وایي چي د زده کوونکو په مټ وتوانیدو چي ۳۴۸۱ جلده کتابونه د زده کوونکو د کورنیو څخه راټول کړو.
هغه زیاتوي چي لا هم پدې برخه کي هڅه روانه ده تر څو د زده کوونکي والدین هم یادي برخي ته وهڅوي.
د همدې غونډي پر مهال د هلمند پوهنې رئیس محمد داؤد شاه صفاري د شهید محمد انور خان ښوونځۍ د ادارې مننه وکړه چي د ښوونځۍ په هره برخه کي یې نه ستړي کیدونکي هلي ځلي کړي دي هغه وویل چي د کور څخه تر ښوونځۍ د کتاب کاروان تر نامه لاندی یې څه باندي درې زره کتابونه راټول کړي دي.
ښاغلي صفاري وویل هیله لرم چي دا ځل د هیواد په سلو غوره ښوونځیو کي د کیفیت له مخي یاده ښوونځۍ هم شامل سي.
د هلمند پوهنې رئیس همداراز وویل، چي د مدني ټولنو، قومي مشرانو او ولسي وګړو غوښتنه کوو چي د کتاب په راټولو کي د پوهنې ریاست سره هر راز همکاري وکړي تر څو د کتابونو د نشتون ستونزه د ډېره هواره شي.
د یادوني وړ ده، چي تر دې وړاندي هم یو شمیر ښوونځیو د زده کوونکو او د ښوونځیو د ادارو له لوري یو شمیر کتابونه راټول شوي او یو اندازه ستونزه ورباندي هواره شوې ده.
