په ښوونځيو کې د ACR درسي کتابونو پلي کولو څرنګوالي په اړه پوهنې وزارت مشرتابه مهمه غونډه تر سره کړه

پوهنې وزارت- کابل: د پوهنې وزارت مشرتابه په نوي ښوونیز کال کې د ACR درسي کتابونو پلي کولو څرنګوالي په اړه مهمه غونډه تر سره کړه.
په دې غونډه کې، پوهنې وزارت مشرتابه د (ACR(The Afghan Children Read ښوونیز نصاب پروژې په اړه او د یادې پروژې د همکاريو په څرنګوالي او په ښوونځيو کې د پلي کولو په اړه خبرې اترې وکړې.
پوهنې وزیر د ACR درسي کتابونو پلي کولو په موخه د نیمګرتیاوو په لري کولو ټينګار وکړ او د یادې موضوع د لنډیز په موخه ېې د تخنیکي غونډو د تر سره کولو څخه خبر ورکړ.
د یادونې وړ ده چې ACR(The Afghan Children Read) په هرات، ننګرهار، کابل او لغمان ولایتونو کې د ټولګي اصولو او د ښوونځي څخه وړاندې لوستلو نمونو څخه د څارنې مسئولیت د ۲۰۱۶ کال نه تر ۲۰۲۱ کال پورې په غاړه اخیستې.
د یادونې وړه ده چې د یادو څلورو ولایتونو د پروژو پایلو له بیاکتنې وروسته د پوهنې وزارت او یاد بنسټ ترمینځ د نورو همکاریو تمه کیدای شي.