پوهنې وزیر د ښوونیزو خدمتونو حالت څيړلو په موخه د سدیس حکیم لمړي نمبر خصوصي لیسې څخه لیدنه وکړه.
پوهنې وزارت- کابل: پوهنې وزیر ډاکتر محمدمیرویس بلخي د ښوونیزو خدمتونو حالت څیړلو په موخه د سدیس حکیم لمړي نمبر خصوصي لیسې څخه لیدنه وکړه.
پوهنې وزیر او ورسره مل پلاوي د یادې لیسې د ټولو ټولګیو څخه د لیدنې ترڅنګ د زده کوونکو ښوونیز حالت یې له نژدې وڅيړه.
پوهنې وزیر د حاضري حالت او د تدریس ښه والۍ، د ټولګیو حالت، کمپیوټر خونه او لابراتوار له څیړلو وروسته په نوموړې لیسې کې د شته تجهیزاتو څخه د غوره استفادې په اړه یې زده کوونکو ته لازمه لارښوونه ورکړه.
پوهنې وزیر د نوموړې لیسې له زده کوونکو سره مخامخ خبرې وکړې او له هغوی څخه یې وغوښتل چې خپلې ستونزې د پوهنې وزارت له مشرتابه سره شریکې کړې.
د یادونې وړ ده چې د سدیس حکیم لمړۍ نمبر خصوصي ښوونځۍ د کابل ښار په ۱۷ تعلیمي حوزه کې موقعیت لري او ۵۹۰ هلکان او نجونې زده کوونکو په کې زده کړه کوي.
