د کوچیانو زده کړیزې مقررې مسوده د وروستۍ کیدو او عدلیه وزارت ته یې د استولو پرسر تر بحث او څیړنې لاندې ونیول شوه
پوهنې وزارت: د جوګیانو، کوچیانو،ایلاقو د زده کړیزې طرحې مقررې مسوده د وروستۍ کیدو لپاره عدلیه وزارت ته استول کیږي پوهنې وزیر ښاغلي محمد میرویس بلخي د مسودې تر اوریدو ورورسته چی د پوهنې وزارت د علمي شورا د دارالانشاه لخوا ولوستل شوه د خپلو نظریاتو په ورکولو سره یې د ورستۍ کیدو لپاره اړونده مرجع ته لازمې سپارښتنې ورکړې. د دغه غونډې د پریکړې سره سم د پوهنې وزارت علمي شورا دارالانشاه ته دنده وسپارل شوه تر څو د اړونده مرجع سره په همغږۍ کې د نومووې مسودې چارې د یوې اوونۍ په موده کې وروستۍ کړي. تر څو دغه تقنیني سند د قانوني پړاو څخه وروسته عدلیه وزارت ته وسپارل شي د جوګیانو،کوچیانو او ایلاقو د زده کړو پروګرام د پوهنې وزارت د لومړیتوبونو څخه دی چې د معارف د لسیزې په سند کې هم د نوموړو قومونو د زده کړیزو برنامو د وضعیت د ودې او ښه کیدو لپاره غوڅ اقدامات وړاندې شوي وو په نوموړې غونډه کې چې د پوهنې وزیر ښاغلي محمد میرویس بلخي په ریاست تر سره شوه د پوهنې وزارت د معیینانو سر بیره مرکزی رییسانو هم ګډون کړی وو.
