په فراه کې د نیمه لوړو زده کړو د شمولیت په موخه د دولسم ټولګې ښځینه فارغانو څخه آز موینه واخیستل شوه
د پوهنې وزارت، فراه: د فراه ولایت اړوند د پنځو ولسوالیو د دولسم ټولګیو ښځینه زده کوونکو فارغانوڅخه دنیمه لوړه زده کړو د شمولیت په موخه ډلیږه آزموینه واخیستل شوه.
یاده آزموینه د فراه ولایت د پوهنې ریاست په همکاری او د یونیسف موسسي په مالي مرسته په لاره اچول شوي، چې د فراه ولایت اړوند د پنځو ولسوالیو ( شیب کوه، پشت کوه، اناردره، لاش جوین او پر چمن) د دولسمو ټولګېو ۵۰۰ تنو ښځینه فارغانو ګډون پکې کړي چې له یادې ډلې څخه په ۱۵۴ تنه هغه زده کوونکي چې لوړې نمرې تر لاسه کړې جذب شی.
د فراه د پوهنې رییس وحیدالله شیراني د آزموینې دپپل په مراسموکې ګډونوالو ته د بشپړ روڼتیا ډاډ ورکړ او ژمنه یې وکړه، چې د یو تن حق به تلف نشي.
د پوهنې رییس زیاته کړه، چې بریالي شوي زده کوونکو ته د یونیسف مؤسسی په مالي ملاتړ د ګیټ برنامې څخه د میاشتې ۶۰ امریکایی ډالر تشویقی معاش هم په نظر کې نیول شوي.
د پوهنې رییس یاده برنامه دفراه ولایت د خلکو او پوهنې په برخه کې لویه لاسته راوړنه وبلله او د یونیسف موسسي څخه یې د مننې ترڅنګ د لازیاتو همکاریو ِغوښتنه وکړه.
