تخار ولایت کې د (ساینس ستورى) تر نامه لاندې علمي سیالۍ ترسره شوې
پوهنې وزارت، تخار: د تخار ولایت مرکز اړوند د هلکانو د شپږ ښوونځيو ترمينځ د غوره ښوونځیو او غوره زده کوونکو پیژندلو په موخه د ساینس علمي سیالۍ د یاد ولایت د ابو عثمان تالقاني عالي لیسې کې ترسره شوې.
په دې غونډه کې د تخار پوهنې رئيس عبدالسمیع ابدیار، د پوهنې ریاست د عمومي زده کړو آمر حسام الدین نظري، ښوونکو او زده کوونکو ګډون کړی وو.
د تخار ولایت پوهنې رئيس وويل: په ۱۴۰۰ تعلیمي کال کې، دا د غوره زده کوونکو پیژندلو په موخه دويمه رقابتي آزموینه ده، چې د تخار د پوهنې ریاست د ساینس مرکز عمومي مدیریت لخوا د ښاري ښوونځیو ترمینځ ترسره کیږي.
هغه زیاته کړه، په نيږدې راتلونکي کې به دا پروسه د تخار ولایت د ټولو ښاري ښوونځیو په ګډون د ولسوالیو په ښوونځيو کې هم پلې شي، ترڅو د پوهنې په کچه د غوره تعلیمي مرکزونو او نخبه زده کوونکو پیژندنه وشي.
