په دايکنډي ولايت کې د پوهنې رياست مالي او اداري چارو د همغږۍ غونډه جوړه شوه
د غونډې پيل کې د دايکنډي ولايت د پوهنې رئیس مولوي مفتي رحمت الله د خبرو په ترڅ کې وویل: موږ او تاسو د چارو په ترسره کولو کې شرعآ د الله ج تر آزمایښت لاندی قرار مومو. له دی امله د خلق الله خدمت باید په صادقانه ډول سرته ورسو.
د پوهنې رئیس د مالي او اداري چارو کارکوونکو د برخې فعالیتونه او کارونه د دوی د دندو لایحو له مخی و ارزول او نوموړي د خوښي په څرګندولو سره پردی ټینګار وکړ چې هر کارکوونکی مکلف دی چې د لایحې، دندې او د اسلامي امارت د اصولو سره سم اړونده چاری ترسره کړي.
همدارنګه یې د مالي او اداري څانګو او نورو برخو ترمنځ یي د لا زیاتې همغږۍ غوښتنه وکړه.
په خپل وار سره مسؤلینو ژمنه وکړه چې خپلې کارونه به په ښه توګه صداقت سره کوي.
