د نیالګیو ایښودلو کمپاین د کاپیسا ولایت په ښوونځیو کې پیل شو
د نيالګيو ايښودلو کمپاين په ښوونیزو او روزنیزو مرکزونو کې د زرغونې فضا د رامنځ ته کولو په موخه د کاپيسا ولايت د لومړۍ برخی ولسوالۍ د پوهنې د مسوولينو له خوا د شيرخانخېلو هلکانو په لېسه کې د نيالګيو په ايښودلو سره پيل شو.
د یادې ولسوالۍ د پوهنې آمر مولانا هدایت الله قاسمي وویل چی د زرغون چاپیریال او د ښوونې او روزنې د آرامی فضا د رامنځ ته کولو لپاره نیالگیو ایښودل مهم دي او له خلکو یې وغوښتل چې د مېوه لرونکو او بې مېوه نیالګیو په ایښودلو سره د چاپېریال په سمسورتیا کې برخه واخلي.
نوموړي همدارنګه د پوهني رياست سره د نیالګیو مرستې له امله د حاجي عبدالظاهر فقيرزاده د معارف پالنې څخه مننه وکړه او له نورو څخه یې وغوښتل چې د .خیر په دې کار کي برخه واخلي
