د فراه ولایت د پوهنې په ریاست کې د بریښنایې شهادت نامو د چاپ سیستم پرانیستل شو
فراه ولایت د پوهنې ریاست له خوا په دي ولایت کې د افغانستان اسلامي امارت له راتګ سره سم د ۱۵۰ زره افغانیو په مالي لګښت د لومړي ځل لپاره د بریښنایې شهادت نامو د چاپ سیستم د پوهنې د رئیس ښاغلي اختر محمد "زعیم"، مسؤلینو او خبریالانو په حضور کې پرانیستل شو.
د پوهنې رئیس په دغه غونډه کې وویل: چې د دې سیستم په واسطه به د وخت د بې ځایه لګښت، قلمي لاسوهنې، درغلۍ، جعلي اسنادو او نورو مخنیوی وشي، ده زیاته کړه، چې فارغ شوي زده کونکي به د پخوا په پرتله ډیر ژر او پرته له کوم ځنډ څخه خپلې شهادتنامې ترلاسه کړي.
د یادونې وړ ده، چې د سیستم د نورو وسایلو مالي لګښت د پوهنې ریاست له بودجې څخه ورکول کېږي، چې پر مټ به یې لومړی د ۱۴۰۰ کال زده کونکي خپلې شهادت نامې ترلاسه کړي.
