د پوهنې وزارت د مرکزي رئیسانو اونیز مجلس دائر شو
د پوهنې وزارت د کنفرانسونو په تالار کې د یاد وزارت د سرپرست وزیر شیخ مولوي نورالله منیر صاحب په مشرۍ، په داسي حال کې چې معینانو هم پکې برخه درلوده، د یاد وزارت د مرکزي رئیسانو(۳۱) اونیز مجلس دائر شو .
یاد مجلس چې د قرآن کریم د څو مبارکو ایاتونو په تلاوت سره پیل شو، د یاد وزارت د بشري سرچینو د عمومي ریاست د رئیس مولوي اول ګل ایوبي صاحب په مشرۍ یو درې کسیز هیئت ته پکې دنده وسپارل شوه، ترڅو په مرکز او ولایاتو کې د ښوونکو د کمښت د پوره کولو لپاره د هغوی د چټک استخدام لپاره یوه طرحه جوړه او د وزارت د مقام له منظوري څخه وروسته د همدې طرحې په بنسټ د ښوونکو د ګمارنې پروسه شروع شي. همدارنګه د انلاین زده کړو، د پوهنې وزارت د دعوت او ارشاد د ریاست په فعالیتونو او دې ته ورته نورو مسایلو تفصیلي بحثونه او پرېکړې وشوې.غونډه د دعائیې په لوستلو سره پای ته ورسیده.
