د پوهنې وزارت، د کابل ولایت د مقام، امنیه قومنداني او استخباراتو د ریاست ګډ هیئت د کابل ښار له څوبابه مشهورو دارالعلومونو څخه لیدنه وکړه
یو باصلاحیته هیئت چې په ترکیب کې یې لاندې مسئولین شامل وو، د کابل ښار له څو بابه مشهورو دارالعلومونو څخه لیدنه وکړه:
۱-د پوهنې وزارت په استازیتوب د یاد وزارت د دارالعلومونو رئیس مولوي عبدالقدوس.
۲-د کابل ولایت د مقام په استازیتوب قاري محمدانس.
۳-د کابل ولایت د امنیه قومنداني په استازیتوب مولوي عبدالهادي.
۴-د کابل ولایت د استخباراتو د ریاست په استازیتوب عبدالرزاق زاهدي.
یاد هیئت د کابل ښار د امام محمدبن حسن شیباني، امام فخري رحمهم الله تعالی او ځینو نورو دارالعلومونو څخه لیدنه وکړه، دیادو دارالعلومونو له مسئولینو او استادانو سره یې له نږدې ولیدل او له هغوی سره یې خپلې اړینې سپارښتنې شریکې کړي.
