له ولایاتو څخه د پوهنې لنډ خبرونه
پنجشیر:
د پنجشير ولايت د پوهنې رئيس مولانا غلام عصان حماس د دغه رياست له کارکوونکو سره د يوې غونډې په ترڅ کې د دغه رياست په چوکاټ کې د مقرري او تبدیلي د کميسيون د جوړولو په باب خبرې وکړې او زياته يې کړه: چې پوهنې وزارت په یو رسمي رالېږي شوي مکتوب سره حکمي مقرروي بند شوي دي او له دې وروسته به په ډلیز شکل د کانکور ازموینې له لارې د رشتې سره سم د لوړو نمرو د اخیستو پر اساس به د ښوونځیو په خالي بستونو کې ګمارل کېږي.
لغمان:
د اکتید موسسې د څه باندې ۳۷ میلیونه افغانیو په لګښت سره د یونیسف د سیمه ییز دفتر په مالي مرسته د لغمان ولایت په لسو ښوونځیو کې روغتیايي پروژې پیل کړې.
د دغه ولایت د پوهنې د مسوولینو په وینا، په دغو پروژو کې د اوداسه خونې، د سپټیک څاه ګانې، کثافاتو دانۍ او د څښاک پاکې اوبه شامل دي، چې د دې ولایت د مهترلام د لیسې په شمول د قرغیو او الینګار ولسوالیو په ښوونځیو کې به پلي شي.
د پوهنې ریاست مسوولینو او ځايي خلکو له یادې ادارې څخه د مننې په ترڅ کې له دوی وغوښتل چې دغه پروګرامونه د لغمان ولایت په ټولو ښوونځیو کې پلي کړي.
بدخشان:
د بدخشان د پوهنې ریاست مالي او اداري آمر عبدالهادي هادي له خپل ملګري ټیم سره په شهر بزرک والسوالۍ کې د کول عالي لېسې د کلنۍ ازموینو د څارنې پرمهال په دې ولسوالۍ کې یې د سواد زده کړې د کورسونو وضعیت او امکانات هم وڅېړل او د دوی له هڅو یې مننه وکړه.
میدان وردک:
د میدان وردګو ولایت د پوهنې ریاست د سواد زده کړې آمریت د دې ولایت د ولسوالیو د سواد زده کړې ادارې د مدیرانو او ښوونکو لپاره یې یو ورځنی سیمینار جوړ کړ او ګډونوالو ته یې د سواد زده کړې د سیمینارونو د جوړولو په اړه معلومات ورکړل.
لوګر:
په لوګر ولایت کې د IRC ولایتي موسسې د دغه ولایت په مرکز پل علم کې بي بي آمنې نجونو ښوونځي لپاره او د دغه ولایت د محمدآغې ولسوالۍ دشتک هلکانو عالي لېسې لپاره یې د پاکو اوبو دوه څاګانې وکیندلې، چې د دغو څاګانو په کیندلو سره به د یادو ښوونځیو زرګونه زده کوونکي ګټه پورته کړي.
