د پوهنې وزارت د تعلیمي نصاب نوی رئیس د یوې غونډې په ترڅ کې معرفي شو
د پوهنې وزارت د تعلیمي نصاب ریاست نوی رئیس مفتي محمد حنیف شاکر، د یوې غونډې په ترڅ کې د نصاب او مسلکي پراختیا ریاست د لوی رئیس مولوي اول ګل ایوبي، د اسنادو، هدایاتو او احکامو د تعقیب د رئیس مفتي شفیع الله منصور او یو شمېر نورو مرکزي رئیسانو له لوري د تعليمي نصاب ریاست کارکوونکو ته وروپېژندل شو.
د یادونې وړ ده، چې مفتي محمد حنيف شاکر تر دې وړاندې د استخدام رياست د سوانحو آمریت د آمر په توګه دنده اجراء كوله او د كابل تر فتحې وړاندې یې د ښوونې او روزنې کمېسیون په چوکاټ کې مختلف مسئولیتونه او خدمتونه سرته رسولي دي.
