له پوهنې وزارت سره د مرستندویو بنسټونو د فعالیتونو د ارزونې په تړاو ناسته وشوه
په هغه غونډه کې، چې د پوهنې وزارت د کیفیت د تضمین معین الحاج مولوي عبدالخالق صادق، د پوهنې وزارت د بېلابېلو ادارو د مسوولینو او د پوهنې ریاستونو د استازو په ګډون د مرستندویو ادارو د ترسره شویو پروژو د څارنې او ارزونې په موخه جوړه شوې وه.
غونډه د قرانکریم د څو مبارکو آیاتونو په تلاوت سره پیل شوه، ورپسې د پوهنې وزارت د کیفیت د تضمین معین الحاج مولوي عبدالخالق صادق د پوهنې په برخه کې د څارنې پر ارزښت او ګټو وینا وکړه او زیاته یې کړه، چې موږ د څارنې په پایله کې د یوه موضوع نیمګړتیاوې او مثبتې خواوې معلومولی شو.
ورپسې د اړوندو کارکوونکو له خوا پرزنټېشن وړاندې شو.
