د کابل ښار پوهنې ریاست له کړنو څخه خبري ټولګه
![123](/sites/default/files/2023-07/whatsapp_image_2023-07-26_at_10.36.35_am_1.jpeg)
په تېرو دوو ورځو کې د کابل ښار پوهنې ریاست مهمې کړنې ترسره کړې، چې لنډیز یې په لاندې ډول دی:
د کابل ښار پوهنې سرپرست او د ښوونې او روزنې آمر عبدالوکيل الهام په مشرۍ، د پوهنې رياست د تشکيلاتي جوړښت د تطبيق په موخه، له مسئولينو، د رياست له مدېرانو او د پوهنې د ساحوي آمرانو ترمنځ ځانګړې غونډه وشوه.
په دې غونډه کې د پوهنې رياست سرپرست، د تشکيل د تطبيق په لاره کې شته ستونزې او ننګونې وڅېړلې او د غونډې اجنډا په باب يې د ګډون والو مسئوليتونه او کاري پلانونه مشخص کړل.
نوموړي له ګډون والو څخه وغوښتل، چې د ياد رياست په راتلونکې غونډه کې دخپلو کړنو په اړه راپور ورکړي.
دغه راز غونډې ته دکابل ښار د ښوونيزو ناحيو آمرينو، د ښوونځيو دڅلورنيم مياشتنيو آزموينو دترسره کولو په باب خپل راپورونه وړاندې کړل، چې دګډون والو له لوري تاييد شول.
همدارنګه، د کابل ښار له یو شمېر ښوونځیو څخه د ۵۳ دایمي ناسوبو ښوونکو د برخلیک ټاکل، د بشري سرچینو ریاست ته ۳۰ تنه اداري کارکوونکي د کاري ظرفیت لوړولو په موخه ورپېژندل او د کابل ښار د ښوونځیو ۸۱۰ تنو فارغانو ته د شهادتنامو وېشل هغه موارد دي، چې په اړه يې لازم اجراآت شوي دي.