د پوهنې وزارت د خصوصي زده کړو رئیس د بغلان ولایت له پوهنې ریاست څخه لیدنه وکړه
![vdv](/sites/default/files/2023-08/whatsapp_image_2023-08-20_at_9.33.43_am.jpeg)
د پوهنې وزارت د خصوصي زده کړو رئيس مولوي عبدالرحمن حميدي په مشرۍ یو پلاوي، د ښوونځيو او خصوصي ښوونیزو بنسټونو د فعاليتونو د څېړلو په موخه، د يوه کاري سفر په ترڅ کې بغلان ولايت ته سفر وکړ.
د پوهنې وزارت د خصوصي زده کړو رئیس د یاد ولایت د پوهنې له رئیس محمد نور عزیزي سره په کتنه کې، د خپل سفر موخې بیان کړې او د پوهنې رياست د پرمختګ، کاري پلانونو او ستونزو په اړه یې ورسره تفصيلي خبرې وکړې.
د پوهنې وزارت پلاوي، د ياد ولايت د مرکز اړوند له يو شمېر ښوونځيو او خصوصي ښونيزو بنسټونو څخه ليدنه وکړه او هغوی ته يې د اداري او تدريسي چارو د لا ښه والي په موخه يو لړ لارښوونې وکړې.