له ولایتونو د پوهنې کړنو انعکاس
پکتیکا
د پکتیکا والي الحاج مولوي فیض الله جمال حقاني او ورسره مل پلاوي، د یاد ولایت شکین ولسوالۍ ته د رسمي سفر په ترڅ کې، د پوهنې له مسئولینو، دیني علماوو او مشرانو سره په لیدنه کې د دوی پر ستونزو خبرې وکړې.
بادغیس
د بادغیس ولایت مرستیال تر څارنې لاندې، د یاد ولایت پوهنې رئیس مولوي محب الله احسان او یو شمېر نورو سیمه ییزو ادارو مسئولینو په ګډون د سواد زده کړې کمېټې غونډه جوړه شوه.
په یاده غونډه کې د سواد زده کړې پر اهمیت او پراختیا ټینګار وشو.
لغمان
د پوهنې وزارت د اساسي او ثانوي زده کړو ریاست د روغتیایي څانګې کارکوونکو، په لغمان ولایت کې د څارنې کار کوونکو او یو شمېر ښوونکو لپاره د کولمو چنجیو په اړه یو ورځنی سیمینار جوړ کړ او له ګډون والو یې وغوښتل، تر څو یاد روغتیایي لارښوونې له زده کوونکو او د هغوی والدینو سره شریکې کړي.
دایکنډي
د دايکنډي ولايت پوهنې رياست له ۲۵۱ تنو م/جاهدینو څخه د سویې د تثبیت ډله ییزه آزموینه واخیسته، تر څو وړ کسان د یاد ولایت په بېلابېلو ښوونځیو کې شامل شي.
غزني
د غزني ولایت پوهنې ریاست په کلني ډول د یاد ریاست یو شمېر کارکوونکي ارزولي او هر کوونکی په پوره روڼتیا سره د دوی د وړتیا له مخې و ارزول شو.
