د ځینو ولایتونو پوهنې خبرونو ته لنډه کتنه
هلمند
د هلمند ولایت پوهنې رئیس الحاج مولوي محمد عوض انصاري، د یاد ولایت سنګین ولسوالۍ ته د یوه رسمي سفر په ترڅ کې «د هاشم سرواني دارالاېتام او ښوونځي» اداري او تدریسي چارې وڅارلې.
نوموړي په یادو علمي بنسټونو کې د ښوونیز وضعیت لاښه والي په موخه، د لازمو سپارښتنو تر څنګ، یوه اندازه مرسته له خپل لوري او د "بست" پوهنتون لخوا۱۰ زره افغانۍ د دغه دارالاېتام پر زده کوونکو ووېشلې.
ارزګان
د ارزګان ولایت پوهنې ریاست اداري غونډه، د یاد ولایت د پوهنې رئیس الحاج مولوي شمس الله آخندزاده کامران تر څارنې لاندې جوړه شوې وه.
په یاده غونډه کې د پوهنې د دولتي ادارو او همکارو ادارو استازو هم ګډون کړی وو.
د غونډې ګډون والو د پوهنې له بهیر سره د خپلو هڅو د دوام ډاډ ورکړ.
لغمان
د لغمان ولايت پوهنې رئيس مولوي شاه جهان ساجد د یاد ریاست په انګړ کې د څو نیالګیو په اېښودلو سره، د یاد ولایت له پوهنې مسئولينو وغوښتل، تر څو د نيالګيو په اېښودلو سره د چاپېريال په سمسورتیا او ښکلا کې خپله ونډه واخلئ.
ارزګان
د ارزګان ولایت پوهنې ریاست، ۲۹ اداري کارکوونکي او د ښوونیزې څارنې پخواني غړي د یاد ولایت د پوهنې ریاست د عمومي زده کړو په پروګرام کې د علمي او مسلکي غړو په توګه پر دندو وګمارل.
