په ننګرهار ولایت کې له ښوونیز نظام سره د خلکو همکاري دوام لري
ننګرهار
د ننګرهار ولایت چپرهار ولسوالۍ اړوند د دولت زي عالي لېسې یو شمېر ښوونکو په خپل شخصي لګښت، یو تن د ۶ زره افغانیو میاشتني معاش په بدل کې د فزیک د ښوونکي په توګه ګمارلی دی.
همدارنګه:
په همدې ولسوالۍ کې د یتیمانو د پالنې یو بنسټ، یو شمېر ښوونځیو ته شاوخوا ۹ زره مېوه لرونکي او بې مېوې نیالګي او زینتي بوټي وقف کړل.
په همدې ولایت کې:
د کامې ولسوالۍ د سرور قادري لېسې څو تنو ښوونکو، د یادې لېسې د چمن زرغونولو او رغولو په موخه، ۹ زره۲۰۰ افغانۍ مرسته وکړه.
په ورته مهال:
د یاد ولايت په مرکز جلال آباد ښار کې د عربانو لېسې ښوونکو د خپلې لېسې له ادارې سره د درسي موادو په موخه، ۷ زره افغانۍ نغدي مرسته وکړه.
بیا هم له یاد ولایت څخه:
د همدې ولایت په بټي کوټ ولسوالۍ کې د پوهنې یوتن مینه وال، د فارم آباد لېسې لپاره د ۱۰ زره افغانیو په لګښت سپینې تختې وپېرلې.
د پوهنې وزارت او د ننګرهار ولایت د پوهنې ریاست د پوهنې په برخه کې د ولسونو له همدردۍ او همکارۍ څخه خوښي څرګنده او دا یې د ټولنې د پرمختګ او خوښۍ په لور یو مهم ګام وباله.
