په غزني ولایت کې د یو باب ښوونځي بیارغونې چارې بشپړې شوې
د غزني ولایت په جاغوري ولسوالۍ کې د شهداء مرکزي لېسې ودانۍ، چې د سږ کال اورښتونو له امله زیانمنه شوې وه، بیاځلې جوړه او د یاد ولایت د پوهنې مسئولینو له لوري پرانیستل شوه.
د غزني ولايت پوهنې رئيس الحاج مولوي مير نصير احمد حسيني په وينا، د يادې لېسې په ترميم ټولټال ۴۰۰سوه زره افغانۍ لګښت راغلى، چې د همدغې ولسوالۍ د پوهنې مينه والو له خوا ورکړل شوى دى.
د پوهنې وزارت مشرتابه د جاغوري ولسوالۍ د اوسېدونکو له مرستې مننه او قدرداني کوي.
