میدان وردګ ولایت کې د ۱۰ مېلیونه افغانیو په لګښت د یو لومړني ښوونځي ودانیزې چارې بشپړې شوې
د میدان وردګ ولایت پوهنې ریاست څخه په خپره شوې خبرپاڼه کې راغلي، چې د یاد ولایت په بند چک ولسوالۍ کې د بي بي هاجره لومړني ښوونځي ودانیزې چارې په دې وروستیو کې بشپړې او ګټې اخیستنې ته چمتو شو.
د دغه ښوونځي ودانۍ په پاخه او اساسي ډول جوړه شوې او ټول اړین ملحقات لکه، احاطوي دېوال، درسي ټولګي، اداري خونې، لابراتوار، کتابتون او داسې نور لري.
د یاد ښوونځي د نوې ودانۍ ټولیز لګښت ۱۰ مېلیونه ۳۸۲زره ۴۰۵ افغانۍ دی، چې د پوهنې په برخه کې د یوې همکارې ادارې له خوا ورکړل شوی دی.
