د کونړ ولایت پوهنې رئيس د پوهنې وزارت د اسلامي زده کړو له معین سره وکتل
د کونړ ولایت پوهنې رئيس مولوي محب الله حیدري د پوهنې وزارت د اسلامي زده کړو له معین، الحاج مولوي کرامت الله آخندزاده سره د لیدنې پر مهال، د یاد ریاست د پرمختګونو او کاري ستونزو په اړه خبرې او نظرونه تبادله کړل.
د یادې ناستې په دوام، د پوهنې وزارت د اسلامي زده کړو معین د کونړ ولایت د پوهنې ریاست د کړنو د ستاینې ترڅنګ ژمنه وکړه، چې د دغه ولایت د پوهنې ریاست د وړاندیزونو او د پوهنې د ستونزو د حل په برخه کې به د همدغه ریاست له مشرتابه سره همکاري وکړي.
په پای کې پوهنې رئیس د اسلامي زده کړو له معین څخه مننه وکړه، چې د خپلو کاري بوختیاوو سره سره یې د لیدنې لپاره خپل وخت ځانګړی کړ.
