د کابل ولایت د ښوونځیو سپورټي لوبډلو د خزاني ټورنمنټ سیالیو پایلې اعلان شوې
څه موده وړاندې د پوهنې وزارت د اساسي او ثانوي زده کړو رياست د بدني روزنې آمریت، د کابل ولايت د پغمان او شکردرې ولسواليو د ښوونځيو د سپورټي لوبډلو ترمنځ د واليبال او فوټبال لوبو خزاني سيالۍ پيل کړې وې، چې د وروستیو سیالیو څخه وروسته یې ګټونکې لوبډلې اعلان شوې.
د یادو سیالیو په پایله کې د میربچه کوټ لومړي نمبر لېسې سپورټي لوبډلې لومړی مقام، د ګذر او میربچه کوټ دویم نمبر د عالي لېسو لوبډلو په ترتیب سره دویم او درېیم مقامونه خپل کړل، چې د اساسي او ثانوي زده کړو ریاست له لوري ګټونکو لوبډلو ته جایزې او ستاینلیکونه ورکړل شول.
