د چین هېواد سفیر د پوهنې وزارت له ساینس مرکز ریاست څخه لیدنه وکړه
په هغه غونډه کې چې د چین هېواد سفیر د پوهنې وزارت د ښوونې او روزنې له معین الحاج مولوي سخاءالله سعید، ځینو مرکزي رئیسانو او مسئولینو سره درلوده، په ترڅ کې یې د دواړو لوریو ترمنځ د پوهنیز نظام په تړاو هراړخیزې خبرې وشوې.
په پیل کې د پوهنې وزارت د ښوونې او روزنې معین د چین هېواد سفیر ته ښه راغلاست ووایه او څرګنده یې کړه چې د افغانستان.ا.ا. د سیمې او نړۍ له ټولو هېوادونو سره د ښو او دوستانه اړیکو غوښتونکی دی.
نوموړي د ښوونې او روزنې سیسټم لاپیاوړتیا په برخه کې د چین هېواد د همکاریو غوښتنه وکړه.
ورپسې د چین هېواد سفیر د ا.ا.ا. د لاسته راوړنو په تړاو خوښي څرګنده او د پوهنې په برخه کې یې د مرستو د دوام ترڅنګ زیاته کړه، چې د افغانستان له پوهنیز نظام څخه په کلکه ملاتړ او همکاري کوي.
