د میدان وردګ ولایت خلکو په تېره مرغومي میاشت کې له پوهنیز نظام سره مرستې کړې دي
د روان لمریز کال په مرغومي میاشت کې د میدان وردګ ولایت د دایمیرداد، نرخ، جلریز او بهسودو ولسوالیو عامو خلکو له ۳۱ بابه ښوونځیو سره څه د پاسه ۳،۵ مېلیونه افغانۍ مالي مرستې کړې دي، چې د ښوونځیو د لومړنیو اړتیاوو پوره کولو په برخه کې مصرف شوي دي.
د يادونې وړ ده، چې د روان کال له پيل څخه تر اوسه پورې په دغه ولايت کې له پوهنیز نظام سره څه د باندې ٢٤،٥ مېليونه افغانۍ مالي مرستې شوې ده.
د پوهنې وزارت رهبري د خلکو، په ځانګړې توګه د میدان وردګ ولایت د معارف دوسته اوسېدونکو له مادي او معنوي مرستو څخه خوښي څرګنده او په دې برخه کې یې د دوی له ملاتړه مننه وکړه.
