د خیبر پښتونخوا تعلیمي اتشې د فعالیتونو په اړه لنډ راپور
د بهرنیو تعلیمي ادارو لپاره د پوهنې وزارت د ښوونیزو پروګرامونو په چوکاټ کې د خیبر پښتونخوا تعلیمي اتشې د ۱۴۰۳ لمریز کال د دویمې ربعې له پیل راهیسې ۱۸۶ عدده سه پارچه مکتوبونه خپاره کړي دي، تر څو هېواد ته د راستنېدونکو زدهکوونکو لپاره اسانتیاوې برابرې کړي.
همدارنګه په خیبر پښتونخوا کې د یاد وزارت اتشه محترم الحاج مولوي نورالله نعمان د دارالهجرت تعلیمي مرکزونو څخه د خپلو رسمي سفرونو په جریان کې د پورته ذکر شویو ادارو د تعلیمي بهیر ارزونه وکړه او د چارواکو، ښوونکو او افغان کډوالو زدهکوونکو ستونزې او وړاندیزونه یې د پوهنې وزارت مشرتابه سره د هغوی د ستونزو حل په موخه شریک کړل.
دغه راز د خیبر پښتونخوا د پوهنې اتشه دفتر د مدارسو استادانو او د هغو ښوونځیو ښوونکو ته چې هیواد ته راستنیږي، د دوی د خدمت دورې تثبیت لپاره مکتوبونه خپاره او په رسمي ډول یې د اړوندو مدارسو مدیران چې غواړي خپل الحاقیه مدارس افغانستان ته انتقال کړي، د اصولواو کړنلارې سره سم پوهنې وزارت ته ورپېژندلي دي.
د یادونې وړ ده چې د پاکستاني ښوونځیو څخه افغان فارغان د دوی د تحصیلي کچې تر آزموینې وروسته مناسبو ټولګیو ته معرفي کېږي.
