زابل ولایت کې د یو باب ښوونځي د نوې ودانۍ بنسټ ډبره کېښودل شوه
د زابل ولایت په شاه جوی ولسوالۍ کې د عمر فاروق (رضي الله عنه) د ښوونځي نوې ودانۍ د ۳۰۰ زره افغانیو په لومړي لګښت، د سیمه ییزو خلکو په مرسته، د پوهنې چارواکو، علماءکرامو او مسئولینو په حضور کې کېښودل شوه.
ګډونوالو د پوهنې پر اهمیت ټینګار وکړ او د خلکو د مالي ملاتړ ستاینه یې وکړه.
د ښوونځي دغه نوې ودانۍ به شپږ درسي ټولګي او یوه اداري برخه ولري، چې د سیمې د خلکو لخوا په دوه جرېبه ځمکه کې جوړېږي او په بشپړېدو سره به یې شاوخوا ۵۰۰ تنو زدهکوونکو ته مناسب تعلیمي چاپېریال چمتو شي.
