په غور ولایت کې د روږدو کسانو لپاره د سواد زدهکړې کوروسونه جوړ شول
د غور ولایت پوهنې ریاست په نشهيي توکو روږدو کسانو لپاره د سواد زدهکړې کورسونه جوړ کړل.
د یاد ولایت پوهنې چارواکو وویل: د ټولنې په اصلاح کې د سواد زدهکړې رول ته په پام سره دغه ډول کورسونه د هغو خلکو د زده کړې لپاره رامنځته شوي، چې مخکې په نشهیي توکو روږدي شوي وو.
د غور ولایت د روږدو کسانو د درملنې او پوهنې چارواکو، د پوهنې ریاست له دغه اقدام ستاینه وکړه او دا یې د ګډونوالو د ذهني او فزیکي پیاوړتیا لپاره یو اغېزمن ګام وباله.
