په میدان وردګ ولایت کې د یوې لېسې لپاره کمپیوټرخونه جوړه شوه
د میدانوردګ ولایت د چک ولسوالۍ نورالمدارس عالي لېسې لپاره په کمپیوټرونو سمبال مجهز ټولګی د سیمې د یو تن اوسېدونکي او علمي شخصیت محترم محمد سنګین واحدي په مالي مرسته جوړ او په رسمي ډول پوهنې مسئولینو په حضور کې پرانیستل شو.
په دغه کمپیوټرخونه کې ۳۰ پایې HP لپ ټاپ کمپیوټرونه، ۵۶ انچه سکرین، ۸ لمریزې تختې، ۳۰ پایې څوکۍ، ۱۰ پایې مېزونه او نور لابراتواري وسایل شامل دي، چې ټولټال ۵۰۰ زره افغانۍ لګښت پرې راغلی دی.
د میدان وردګ ولایت پوهنې رئیس محترم مولوي محمد عثمان حریت له ښاغلي محمد سنګین واحدي څخه مننه وکړه او ټکنالوژۍ ته یې د زدهکوونکو لاسرسی یو تر ټولو مهمه اړتیا وګڼله.
د یادونې وړ ده چې د دغې ولسوالۍ اوسېدونکو پخوا هم له مدارسو او ښوونځيو سره ورته مرستې کړې دي.
