په دایکنډي ولایت کې د یوې دیني مدرسې لپاره نوې ودانۍ پرانیستل شوه
د دایکنډي ولایت پاتو ولسوالۍ اړوند په برمني سیمه کې د بحر العلومدیني مدرسې نوې ودانۍ د یو لړ لویو مراسمو په ترڅ کې، چې پکې د پوهنې رئیس محترم الحاج مولوي شیر محمد صدیقي، دینيعلماءکرامو، مشرانو او د سیمه ییزو ادارو نور چارواکي حاضر وو، ګټې اخستنې ته وسپارل شوه.
د پوهنې رئیس په ټولنه کې د علم او پوهې اهمیت په اړه خبرې وکړې او له خلکو څخه یې د مننې او قدردانۍ په څرګندولو سره، هغوی د دیني علومو زده کړې ته وهڅول.
د یادونې وړ ده، دغه ودانۍ ۵ درسي خونې، شاوخوا دېوال او نور اړین ملحقات لري، چې د ځايي خلکو لخوا د ۷۶۴ زره افغانیو په لګښت جوړه شوې او په پایله کې یې له ۷۰ تنو څخه زیاتو طلابو ته مناسب تعلیمي چاپیریال برابر شو.
