د پوهنې محترم وزیر له لوري د هرات ولایت یو بااستعداده ماشوم وستایل شو
د پوهنې وزارت محترم وزیر، الحاج مولوي حبیبالله آغا له لوري، د هرات ولایت یو بااستعداده ماشوم، محمد امیري، چې په ریاضیاتو کې ځانګړې وړتیا لري او په ۸ بېلابېلو ژبو خبرې کولی شي، تشویق او وستایل شو.
د پوهنې وزارت محترم وزیر نوموړي ته ډاډ ورکړ چې د زدهکړو په برخه کې به یې بشپړ ملاتړ کوي او سپارښتنه یې ورته وکړه چې په خپل ملک کې زدهکړو ته دوام ورکړي، تر څو د اسلام، ملک او خلکو لپاره یو ګټور خدمتګار شخص وګرځي.
بلخوا، محمد امیري د پوهنې وزارت له مشرتابه او رهبري څخه د مننې تر څنګ وویل چې ټول وخت به په خپلو زدهکړو تېروي او هڅه به وکړي چې خپلې علمي وړتیاوې لا پسې وغوړوي.
د یادونې وړ ده چې محمد امیري دا مهال ۹ کلن دی او لا یې رسمي زدهکړې نه دي پیل کړې، خو له دې سره سره د لوړې ذهانت، استعداد او علمي وړتیاوو لرونکی ماشوم بلل کېږي.
