د ولایتونو له پوهنې څو لنډ خبرونه
کونر
د یو تن علمپروره شخص لخوا، د کونړ ولایت سرکاڼو ولسوالۍ ۶۹ تنو یتیمو او بېوزله زدهکوونکو سره د جامو او اړینو درسي توکو مرسته وشوه.
د یاد ولایت پوهنې مسئولینو د دغه معارفدوست شخص له مرستې څخه د مننې ترڅنګ، له خلکو وغوښتل چې د یتیمو او بېوزله زدهکوونکو د تعلیمي بهیر پیاوړتیا لپاره خپل مادي او معنوي ملاتړ ته دوام ورکړي.
ننګرهار
د ننګرهار ولایت پوهنې ریاست د خوږیاڼو، شېرزاد، پچیراګام او حصارک ولسوالیو ۶۰ تنو راستنېدونکو زدهکوونکو څخه د سویې د تثبیت ازموینه واخیسته.
د مسئولینو په وینا، ټاکل شوې ده چې د دغې ازموینې ګډونوال به د خپلې تعلیمي کچې له مخې په ښوونځیو کې شامل شي.
کاپیسا
د کاپیسا ولایت حصه اول کوهستان ولسوالۍ د بختیار شهید لیسې سره د سیمې د خلکو له لوري ۴۵ زره افغانۍ مرسته شوې ده.
د مسئولینو په خبره، دغه پیسې د یادې لېسې د لوبغالي جوړولو او د برېښنا سیسټم د ترمیم په برخو کې لګول شوې دي.
