پکتیکا ولایت کې د ۱۸۲ تنو ښوونکو لپاره د «ویفس» پروګرام په اړه سیمینار پیل شو
د یوې خیریه ادارې له خوا د پکتیکا ولایت پوهنې ریاست کې د ۹۱ بابه ښوونځیو د ۱۹۲ تنو ښوونکو لپاره د «ویفس» پروګرام په اړه دوه ورځنی سیمینار پیل شو.
د ياد ولایت پوهنې رئیس، محترم مولوي عبدالوکیل خالد وویل: د داسې سیمینارونو جوړول د ښوونکو مسلکي وړتیاوې او د حفظ الصحې پوهه لوړوي او د زدهکوونکو د روغتیا، سلامتۍ او سالم ژوند د ترویج په برخه کې مهم رول لري.
د دې سیمینار ماسټر ټرېنر، ډاکټر فوجي وویل چې د دې پروګرام اساسي موخه د وینې کموالي مخنیوي، د ساري ناروغیو د وقایې په اړه د عامه پوهاوي لوړول، د حفظ الصحې اړوند معلوماتو شریکول او د ښوونکو لپاره د لومړنیو مرستو عملي مهارتونه برابرول دي.
