په غور ولایت کې یوې لېسې لپاره د اداري خونو جوړولو چارې پیل شوې
د غور ولایت دولتیار ولسوالۍ مرکزي لېسې لپاره د اداري ودانۍ جوړولو بنسټ ډبره، د یادې ولسوالۍ پوهنې مسوولینو په حضور کې کېښودل شوه.
د پوهنې چارواکي وایي: دغه ودانۍ چې د شاوخوا ۲۰۰ زره افغانیو په لګښت د علمدوسته خلکو او د ښوونځي د تعلیمي شورا په مالي ملاتړ جوړېږي، پنځه اداري خونې به ولري.
د یادې ودانۍ په جوړېدو سره به د ښوونځي اداري ستونزې حل او چارې به یې لا منظمې او ښې شي.
