د پوهنې وزارت د استعدادونو ارزونې رئیس پکتیا ته سفر وکړ
د پوهنې وزارت د استعدادونو ارزونې رئیس مفتي عبدالولي سداد د خپل کاري سفر په ترڅ کې پکتیا ولایت ته لاړ او هلته يې له پوهنې رئیس محترم الحاج مولوي عبدالقیوم فاروقي سره وکتل.
په دې لیدنه کې نوموړي د خپل سفر موخه، اړوند پروګرامونه او هغه فعالیتونه چې د سفر په ترڅ کې به ترسره شي، د پکتیا د پوهنې له رئیس سره شریک کړل.
په ورته مهال، د پکتیا د پوهنې رئیس نوموړي ته ښه راغلاست ووایه او د اړوندو چارو لا ښه ترسره کېدو په موخه یې د هر ډول همکارۍ او همغږۍ ډاډ ورکړ.
د لیدنې په پای کې دواړو لوريو د استعدادونو د پېژندنې او ارزونې او د ښوونیز بهیر د لا پیاوړتیا په برخه کې پر ګډې همکارۍ او همغږۍ ټینګار وکړ.
