افغانستان پوهنه د بنسټیزو اصلاحاتو په مسیرکې/ "د پوهنې لسیزې ستراتیژیک سند" په وروستي پړاو کې
پوهنې وزارت- کابل: "د پوهني لسیزې ستراتیژیک سند" چې د افغانستان د ښوونې او روزنې د بنیادي اصلاحاتو په لاره کې یو مهم او تاثیر لرونکي سند دي د پوهنې وزیر"داکتر محمد میرویس بلخی" په شتون کي وروستي پړاو ته چمتو شو
داکتر بلخي په دي اړه د مسؤلو چارواکو سره خبري وکړي او د پوهني لسیزي ستراتیژیک سند يي غوره پوهنې ته د رسیدو په لاره کي یو مهم هدف و باله
پوهنې وزیر "زده کونکي"، "ښوونکي"، "تعلیمي نصاب"، "ښوونځي"، "اداره" او "شوراګاني" په هیواد کې د ښوونې او روزني په برخه کی ۶ اساسي عناصر وبلل او زیاته یې کړه: د پوهنې په لسیزه کي غواړو چې د بنسټیزو اصلاحاتو په راوستلو او په یادو عناصرو کار وکړو چي په پاي کي به یو خوځنده او په نورمونو او معیارونو برابر د ښوونې او روزنې لوړو درجو ته ورسیږو
دغه راز "شمولیت"، "کیفیت" او "مدیریت" په هیواد کې د زده کړي په برخه کي دري موثري برخي دي چي د پوهنې لسیزي په ستراتیژیک سند کي پري بحث شوی دي
د یادوني وړ ده چي د پوهنې وزارت مشرتابه یوه ښوونیزه لسیزه چی ۱۲ کاله (له لمړي ټولګي نه تر دولسم ټولګي) پوري ده د پوهنې لسیزي په نامه یاده کړه او ویي ویل چي پدي لسیزه کي به د هیواد په پوهنه کي اساسي پړاو رامینځ ته شي.
