د پوهنې وزير ښاغلي ډاكټر محمد میرویس بلخي په هغه لیدنه کې، چې د ټاكنو د خپلواك كميسيون له مشرې آغلې هوا علم نورستاني سره يې درلوده په راتلونکو ټاکنو کې يې د دې وزارت پر بي طرفۍ ټینګار وكړ.
پدې لیدنه کې، چې د پوهنې وزارت په مقر کې ترسره شوه دواړو لوريو د جمهوری ریاست راتلونکو ټاکنو په اړه خبرې اترې وکړې
ښاغلي بلخي پدې لیدنه کې د پوهنې وزارت اصلي دنده د افغانستان ماشومانو ته د ښوونې او روزنې په برخه کې خدمت وباله او زیاته یې کړه، چي د ښوونې او روزنې پرمختګ ته پاملرنه یو بي طرفه او غیر سیاسي اصل ته اړتیا لري.
د دې لیدنې په ترڅ کې آغلې هوا علم نورستاني د جمهوري ریاست ټاکنو په برخه کې د ټاکنو خپلواک کميسیون وروستۍ کړنې او پرمختګونه د پوهنې وزارت له مشرتابه سره شریكې کړې.
